Translator

Легендите на Реал Мадрид (2013-2015) Сите права се задржани. Powered by Blogger.
RSS

YouTube Channel

Светското Клубско Првенство е годинешно натпреварување организирано од Светската Фудбалска Федерација (ФИФА). 


Овогодинешното издание на светското клубско фудбалско првенство, 14 по ред, ќе се одржи во Обединетите Арапски Емирати од 6-ти до 16-ти Декември и во него ќе земат учество 7 екипи од 6 фудбалски конфедерации.

Реал Мадрид е бранител на овој трофеј откако во ланското финале ја победија екипата на Кашима Антлерс со 4-2 (стрелци за Реал Мадрид беа Бензема и Роналдо со хет-трик додека за Кашима двоен стрелец беше Гаку Шибасаки, сегашен играч на Гетафе)



Најпрвин во осмина-финалете силите ќе си ги одмерат екипите на АлЏазира (Азијска Фудбалска Конфедерација - Обединети Арапски Емирати) и Окланд Сити ( Фудбалска Федерација на Океанија - Нов Зеланд)
Победникот од овој дуел ќе игра против Урава Редс, екипа која доаѓа од Јапонија и Азијската Фудбалска Федерација.

Победникот од четврт-финалниот натпревар помеѓу Урава Редс и победникот од осмина-финалето ќе игра против најдобриот Европски и Светски Фудбалски клуб и моменталниот освојувач на Фифа Светско Клубско Првенство, Реал Мадрид. Овој натпревар ќе биде одигран на 13-ти декември на Зајед Спортскиот Стадион во АбуДаби кој има капацитет од 43 илјади гледачи.

Во другиот дел на ова натпреварување се екипите на Гремио, Пачука и Вајдад Казабланка.

Екипата на Пачука доаѓа од Мексико и КОНКАФ (Конфедерација на Северна и Централна Америка и Карибите). Оваа екипа се квалификуваше на овој турнир победувајќи во Лигата на Шампионите во оваа Федерација победувајќи ја екипата на Тигрес во финалето со 2-1 од два натпревари.

Противник на Пачука во четврт-финалето е екипата на Вајдад Казабланка, екипа која доаѓа од Мароко и Фудбалската Конфедерација на Африка. 

Вајдад обезбеди место на овој турнир победувајќи во финалето од Лигата на Шампионите на оваа Федерација каде за противник им беше екипата на АлАхли. Натпреварот заврши со резултат 2-1 во корист на Вајдад Казабланка истотака од два натпревари.

Победникот од дуелот помеѓу Пачука и Вајдад Казабланка ќе игра против екипата на Гремио која доаѓа од Бразил и Фудбалската Конфедерација на Јужна Америка. 

Екипата на Гремио е последниот тим кој обезбеди пласман на овој турнир откако победи во финалето од Копа Либертадорес. Гремио ја победи екипата на Ланус во два натпревари и обезбеди место во полу-финалето од Светското Клубско Фудбалско Првенство. За Гремио ова ќе биде прво учество на овој турнир исто како што ќе биде прво учество и за екипите на  Вајдади Казабланка и АлЏазира. Пачука ќе земе учество на овој турнир по 4-ти пат, екипата на Урава Редс по втор пат, по 4-ти пат на овој турнир ќе игра и Реал Мадрид а додека екипата на Окланд Сити ќе земе учество на овој турнир по 9-ти пат. 

Финалето ќе се одигра на 16-ти Декември на  Зајед Спортскиот Стадион во Абу Даби. На ова натпреварување се делегирани судии од сите Фудбалски Конфедерации. Правдата ќе ја делат судиите:
- Рафшан Ирматов (Узбекистан, Азија)
- Маланг Диедхио (Сенегал, Африка)
- Сезар Артуро Рамос (Мексико, КОНКАФ)
- Сандро Ричи (Бразил, Јужна Америка)
- Метју Конгер (Нов Зеланд, Океанија)
- Феликс Брих (Германија, Уефа)
Истотака ќе се користи Видео технологијата.

  • Digg
  • Del.icio.us
  • StumbleUpon
  • Reddit
  • RSS

read comments


9-тото коло од Шпанското првенство е на програмата за следниот викенд каде екипата на Реал Мадрид ќе му биде домаќин на Еибар. Средбата е закажана за Недела (22.10) на Сантијаго Бернабеу со почеток од 20часот и 45 минути.

Реал Мадрид се наоѓа на 3-то место со 17 освоени бодови а додека екипата на Еибар се наоѓа во долниот дел на табелата, на 16-то место со 7 освоени бодови.

Досега низ историјата само 8 средби се одиграни помеѓу овие два тима, 6 во ЛаЛига и 2 во рамките од Копа дел Реј. 
Реал Мадрид излегол како победник во 6 од 8-те средби со екипата на Еибар која игра во елитното друштво на прволигаши од сезоната 2014-та и одтогаш на 6 меѓусебни дуели со Реал Мадрид има забележано 5 порази и еден нерешен резултат:

- Еибар 0-4 Реал Мадрид , сезона 14/15
- Реал Мадрид 3-0 Еибар, сезона 14/15
- Еибар 0-2 Реал Мадрид , сезона 15/16
- Реал Мадрид 4-0 Еибар , сезона 15/16
- Реал Мадрид 1-1 Еибар , сезона 16/17
- Еибар 1-4 Реал Мадрид , сезона 16/17


Eibar 0-4 Real Madrid

Другите два дуели се одиграно во рамките на Копа дел Реј, во сезоната 2003/04, кога во осмина-финалето на домашен терен Еибар одигра 1-1 со Реал Мадрид (стрелец за Реал беше Гути) а додека во реваншот на Бернебеу Реал Мадрид победи со 2-0 (стрелци Роналдо и Луис Фиго).

Најдобар стрелец од екипата на Реал Мадрид во дуелите против Еибар е Кристијано Роналдо кој на 5 одиграни натпревари има постигнато 5 голови. 
Следни на оваа листа се Џејмс Родригез и Карим Бензема со по 3 постигнати голови, Хесе и Герет Бејл со по 2, Луис Фиго, Марко Асенсио, Гути, Роналдо, Лукас Васкез и Чичарито со по еден постигнат гол.
Екипата на Еибар има постигнато само 2 голови против Реал Мадрид: Рубен Пења во Копа дел Реј и Фран Рико во ЛаЛига.

Зинедин Зидан како тренер го има предводено Реал Мадрид против Еибар во 3 натпревари (2 победи (4-0 и 1-4) и еден нерешен резултат (1-1)).



  • Digg
  • Del.icio.us
  • StumbleUpon
  • Reddit
  • RSS

read comments

Најновата транфер вест која одекна ширум светот е дека екипата на Барселона откако не успеа да го ангажира Фелипе Кутињо од Ливерпул ќе појде по еден од играчите на Реал Мадрид.

Наводно Барселона планира да ја активира откупната клаузула за Асенсио која изнесува 80 милиони евра и да го доведе младиот талентиран Шпанец во своите редови.

Марко Асенсио веќе ја има освоено ЛаЛига со Реал Мадрид, како и Лигата на Шампионите , Европскиот Супер Куп и Светското Клубско Првенство. Асенсио е очигледно иднината на Реал Мадрид и Флорентино Перез и Зинедин Зидан нема да дозволат играчот да си замине од Кралскиот Клуб. Една вест чисто колку да не им е досадно на трансфер шпекулаторите.



  • Digg
  • Del.icio.us
  • StumbleUpon
  • Reddit
  • RSS

read comments





Најуспешниот клуб во историјата на Европските натпреварувања и моменталниот Европски фудбалски владетел, Реал Мадрид го има освојувано Европскиот Супер Куп вкупно 3 пати. ЕСК е натпревар во кои силите си ги одмеруваат освојувачот на најелитното Европско клубско натпреварување, Лигата на Шампионите и победникот од Лига Европа. 

Моментален освојувач на овој трофеј е токму Реал Мадрид, кој во ланското издание ја победи екипата на Севиља со 3-2 по продолженија. Домаќин на овој натпревар беше Lerkendal стадионот во Норвешка каде присуствуваа 17 939 љубители на фудбалската игра. 

Резултатот го отвори супер-талентираниот Марко Асенсио со одличен удар од далечина во 21-вата минута за подоцна во 41-ва минута Васкез го израмни резултатот. Севиља поведе со 2-1 од пенал во 72-ра минута но Серхио Рамос со гол во последните моменти од натпреварот го врати во игра Европскиот шампион. Дани Карвахал беше херојот за Реал Мадрид со гол во 119-та минута. Реал Мадрид предводен од Зинедин Зидан истрча на теренот во следниот состав: Кико Касиља на голот, во одбраната Карвахал, Варан, Рамос и Марсело. Во средниот ред Касемиро, Ковачич и Иско и во нападот Мората, Васкез и Асенсио.




Супер Куп 2014

Градскиот стадион во Кардиф, Велс беше домаќин на уште едно соочувања на Реал Мадрид и Севиља во рамките од Европскиот Супер Куп. Како што беше случајот во 2016-та така и во 2014-та како победник од овој натпревар излезе составот на Реал Мадрид. Херој за Реал Мадрид беше Кристијано Роналдо кој со два гола донесе важен трофеј во витрините на Реал Мадрид.

Икер Касиљас, Карвахал, Пепе, Рамос, Коентрао, Крос, Модрич, Родригез, Бензема, Бејл предводени од Карло Анчелоти беа останатите 10-мина кои зедоа учество во овој спектакл. 30 854 навивачи уживаа во магијата на Реал Мадрид предводен од Кристијано Роналдо кој со голови во 30-та и 49-та минута не дозволи никакво изненадување и заслужено го закити Реал Мадрид со уште еден важен трофеј.



Супер Куп 2002

Првиот од трите освоени трофеи во Европскиот Супер Куп, Реал Мадрид го освои во 2002-ра откако го победи Баер Леверкузен во финалето од ЛШ во 2002. Феенорд пак стигна до таму победувајќи ја Борусија Дордмунд со 3-1 во финалето од Уефа Куп 2002.

Реал Мадрид тогаш беше предводен од Висенте дел Боске кои ги одбра почетните 11 за овој натпревар:
Икер Касиљас на голот, Мичел Салгадо, Иван Елгуера, Фернандо Иеро, Роберто Карлос во одбраната, Луис Фиго, Клод Макелеле, Естебам Камбиасо, херојот од финалето во Глазгов Зинедин Зидан и Гути во средината од теренот и во нападот легендарната 7-ка на Реал Мадрид, Раул Гонзалез Бланко кој истотака беше стрелец во финалето против Баер Леверкузен. Франциско Павон, Сантијаго Солари и Хавиер Портиљо истотака зедоа учество во ова финале влегувајќи како замени во второто полувреме. Како играч на натпреварот беше прогласен Роберто Карлос кој постигна еден гол (21-ва минута), по неговиот шут во 15-та минута автогол си постигна Patrick Paauwe а додека третиот гол го постигна Гути по асистенцијата на Луис Фиго. Одличен перформанс покажа и новото засилување Естебан Камбиасо кој со 22-години ова му беше Европско деби во дресот на Реал Мадрид.



Реал Мадрид учествуваше во ова натпреварување уште во два наврати но тогаш беа поразени до Челзи (1-0 во 1998) и од Галатасарај (2-1 по продолженија во 2000).

Овогодишното издание на Европскиот Супер Куп ќе се одржи на Филип Втори Арената во Скопје која со капацитет 30 500 места ќе ги пречека многубројните фанови на Реал Мадрид и Манчестер Јунајтед. Реал Мадрид го победи Јувентус (4-1) во финалето од Лигата на Шампионите додека Манчестер Јунајтед го победи Ајакс со 2-0. Реал Мадрид има подобар биланс од предходните средби помеѓу овие два тима со 4 победи, 4 нерешени и 2 порази.


  • Digg
  • Del.icio.us
  • StumbleUpon
  • Reddit
  • RSS

read comments


Едно од овие момчиња на сликата си го оствари својот сон и е дел од првиот на Реал Мадрид.
Уште од мал мечтаел еден ден да го облече белиот дрес и да остави свој печат во историјата на Реал Мадрид, исто како и неговиот идол Раул Гонзалез.

Неговиот прв гол во дресот на Реал Мадрид можете да го погледнете на 12:27 од видеото:

  • Digg
  • Del.icio.us
  • StumbleUpon
  • Reddit
  • RSS

read comments

30-ти Март 1904 - Што ако се одржеше финалето, а никој не дојдеше?

На 30-ти Март 1904-та година, Клуб Еспањол де Мадрид беа единствениот тим кој се појави да го одигра финалето од Копа дел Реј. И покрај тоа тие не го освоија трофејот.

Клуб Еспаљол де Мадрид е клуб основан 1900-та година, во Мадрид. Во 1902-ра клубот се подели што резултираше да се оформи сегашниот Реал Мадрид. 

Она што остана од предходникот на Реал Мадрид продолжи со игра и во финалето од Копа дел Реј во 1904-та година беше дел од една невообичаена случка. Таа година тунирот беше организиран од Мадридската Фудбалска Федерација, чиј претседател беше истотака претседател и на Еспањол де Мадрид. 4 тима учестуваа во натпреварувањето, од кои победникот ќе игра во финале со минатогодишниот победник, Атлетик Билбао ( на фотографијата во 1904).

Еспаљол де Мадрид одигра нерешено во пшровиот натпреавр против Мадрид Модерно, 5-5 на 13-ти Март. Беше договорен повторен натпревар место да се играат продолженија но екипите не можеа да се договорат за терминот. Еспањол сакаше натпреварот да се одигра следниот ден а додека противникот сакаше да почека 48 часа. Кога Мадрид Модерно не се појавија следниот ден, на 14-ти Март, Мадридската федерација го прогласи Еспањол за победник.

Полуфиналниот натпревар требаше да се одигра против Монклоа на 27-ми Март, но повреда на играч на Еспањол резултираше да натпреварот биде одолжен. Федерацијата го одреди следниот ден како ден за одигрувањето на натпреварот, и повторно противникот на Еспањол не можеше да игра на тој датум и Еспањол беше прогласен за победник.

Финалето беше закажано да се одигра на 30-ти Март, место предходно најавениот термин, 26-ти Март.
Во меѓувреме, тимот на Билбао пристигнал на 26-ти за да одигра финалето без да боде известен дека датумот е преместен за 30-ти Март. Затоа и никој не се појавил како противник на Еспањол за финалето и Федерацијата повторно го прогласува Еспањол за победник. Оваа одлука наиде на револт кај другите екипи кои протестираа и на крајот падна одлуката да Билбао ја задржи титулата.

Извор:This Day in Football History


  • Digg
  • Del.icio.us
  • StumbleUpon
  • Reddit
  • RSS

read comments

Рамон Гросо
Рамос Гросо беше Шпански играч кој играше за Реал Мадрид од 1959 до 1976. Тој својата кариера ја започна во Реал Мадрид Кастиља. Тој настапуваше на позицијата напаѓач и ја носеше деветката и беше сметан за душата на ‘Yeyé’ тимот, тимот кој ја освои шестата Европска титула за Реал Мадрид.

Тој се приклучи во младинскиот состав на Реал Мадрид на само 15 години, и само година подоцна влезе во првиот тим на Реал Мадрид. Тој беше најдобар стрелец две сезони по ред, 1964/65 и 1965/66. На вкупно 366 официјални настапи во белиот дрес, тој постигна 75 голови. Иако местото во составот му беше како напаѓач, тој низ текот на кариерата играше и како среден ред и како одбрана, а еднаш дури и како голман.

Со Реал Мадрид освои 7 ЛаЛига трофеи, еден Европски куп и 3 Шпански Купови. Откако се пензионираше тој продолжи како тренер во Кастиља заедно со Амансио, и беше дел од луѓето позди кои се крие успехот на одличниот тим на Кастиља познат како ‘Quinta del Buitre’.

Неговиот зет, Франциско Пако Љоренте играше за Реал Мадрид во 80-сетите а додека неговиот внук Маркос Љоренте игра за Реал Мадрид Кастиља и има забележано и два настапи за првиот тим.

Почина на 13-ти Февруари 2002-ра на 58 годишна возраст.


  • Digg
  • Del.icio.us
  • StumbleUpon
  • Reddit
  • RSS

read comments

Popular Posts

Flag Counter